بصائر

نحن منصة ثقافية بحثية تهدف إلى التنمية الذاتية المستدامة للفرد والشباب والأسر. نحن نعمل على نشر الوعي والسلام بين الشعوب من خلال نشر خواطرنا ومقالاتنا الفكريه الخاصه وأبحاث متخصصة. نحن نساعد على التطوير الذاتي والوصول إلى الثراء الفكري والمالي لتحسين الحياة وجودتها بالتخطيط الجيد وتطبيق نظريات حديثة.” ساعدت كثير من المتميزين حاليا

العلاقه بين الرعايه الاجتماعيه والخدمه الاجتماعيه

تمهيد :-

تعتبر الرعايه الاجتماعيه عميقه الجذور حيث ترجع الى وجود الانسان ذاته فهى قديمه قدم المجتمع وهى موجوده طالما وجد القوى والضعيف والغنى والفقير وقد وجدت الرعايه الاجتماعيه عندما عجزت موارد الانسان المحدوده عن اشباع حاجاته المتجدده فالرعايه الاجتماعيه وجدت فى كل المجتمعات الانسانيه ولكن جذورها الحقيقيه فى تلك المجتمعات التى تعتبر مهد الحضاره الانسانيه فهى قد وجدت فى كل المجتمعات الانسانيه وفى كل مكان نشات حضاره انسانيه و من تلك الحضارات مثل الحضاره المصريه القديمه والحضاره العراقيه (بلادالرافدين ) بين النهرين والحضاره الهنديه القديمه والاغريقيه والحضاره الرومانيه.

والرعايه هى تعتبر قديمه قدم الانسان ذاته وهى تعبير عن انسانيه الانسان وحبه للخير وتاكيد لخصوصيته كانسان اجتماعى له علاقات اجتماعيه يحب الخير ويعمل من اجل مساعده اخيه الانسان ويقف بجواره فى الازمات وهى قيمه اخلاقيه تعبر عن خصوصيه الانسان المتحضر العاقل .

مفهوم الرعايه الاجتماعيه :-

هى تعنى ما يقدمه المجتمع للفرد وبما ياخذه الانسان من محيطه وبما يوفره من سبل العيش والحياه فقد كانت الرعايه الاجتماعيه

تمارس تقليديا من خلال جماعات شديده التماسك فى المجتمعات صغيره الحجم والتى كانت تسودها العلاقات الاجتماعيه الاوليه التى تتسم بالمواجهه .

ولكن مع التطور التاريخى تداخلت بعض المفاهيم الاجتماعيه مثل الرفاهيه الاجتماعيه والرعايه الاجتماعيه والخدمه الاجتماعيه والاصلاح الاجتماعى وغيرها من المفاهيم حيث قد يستخدم البعض مفهوم مرادف لمفهوم اخر.

فالرعايه الاجتماعيه تتغير بتغير الزمن حيث انها ليست هى منذ مئات السنين وتتغير ايضا بتغير المكان فتختلف من مجتمع لاخر سواء من حيث المعنى والمجال والشمول .فتعددت بعض المفاهيم والتعاريف الاجنبيه للرعايه الاجتماعيه

فقد تم تعريفها وفقا لتعريف الامم المتحده :-

انها النسق المنظم من الهيئات والمؤسسات والبرامج التى تهدف الى دعم وتحسين الظروف الاقتصاديه او الصحيه او القدرات الشخصيه المتبادله لمجموع السكان .

خصائص الرعايه الاجتماعيه على سبيل المثال :-

1- الرعايه الاجتماعيه تتضمن خطط وبرامج ومشروعات اجتماعيه تهدف الىتحسين الظروف المعيشيه وتؤكد على التخطيط العلمى

والتنظيم للرعايه الاجتماعيه .

2- يشترك فى تخطيط وتنظيم وتنفيذ برامج الرعايه مهن متعدده مثل المهندس - القانونى - الاجتماعى ....والتى يسود بينهم مبدا العمل الجماعى.

3- يستبعد دافع الربح من الخدمات التىتقدم من خلال الراعايه الاجتماعيه .

فلهذا فالرعايه الاجتماعيه نموذجان مهمان وهو

-النموذج الثانوى

- النموذج الوقائى وهو نموذج مؤسسى .

اما فلسفه الرعايه الاجتماعيه فهى تتمثل فيما يلى :-

اولا عندما نتحدث عن الفلسفه الخاصه بالرعايه الاجتماعيه فنحن هنا نقصد الاطار التصورى الشامل للرعايه الاجتماعيه

وكذلك القيمى من المعتقدات التى تقوم عليها المهنه ويؤمن بها الممارس .

ولقد تطورت الرعايه الاجتماعيه وفلسفتها فى العصر الحديث وتغيرت ايدلوجيه المجتمع والاطار القيمى الموجه له .

قميثاق حقوق الانسان قد اوضح فى طيات نصوصه ومواده ما يتضح ويبين اطار الرعايه الاجتماعيه الدوليه فكل فرد فى العالم وكذلك انعكس ذلك على المجتمع المصرى من خلال قيمه الاخلاقيه المستمده من تراثه الطويل وكذلك من الاديان السماويه التى تمثل اطارفلسفى للرعايه الاجتماعيه ولهذا فان فلسفه الرعايه الاجتماعيه قائمه على ما هو تالى:

أ- الايمان بالمسؤليه الاجتماعيه:-

والتى تقوم من خلال توفير حقوق للافراد فى المجتمع وكذلك الواجبات التى يجب ان يقوم بها الفرد داخل المجتمع .

ب- الايمان بالعداله الاجتماعيه :-

تاثيرها على القرارت المجتمعيه وتنصف فيها ذوى النفوذ المحدوده حيث انها تقوم على القيمه الاخلاقيه والتى تدعم جهود المحرومين

والمستضعفين وذوى الحاجه .

الايمان بالكرامه الانسانيه :-

حيث ان تلك القيمه لاتعترف بفلسفه البقاء للاصلح حيث انها تؤمن بكرامه الانسان والجماعات واهليته وقدرته على النمو وتعتمد على نقاط القوى فى المجتمع وليس معنى ذلك انكار نقاط الضعف ولكن نقاط القوى فى المجتمع وليس معنى ذلك انكار نقاط الضعف ولكن تركز على حشد مواقف القوه فى المجتمع .

الايمان بالمنهج العلمى ( التخطيط)

الايمان بقيمه التغيير

حيث ان الخدمه الاجتماعيه تؤمن بان قانون الوجود فهناك تغير مستمر فى المجتمع سواء كان تغير تلقائى او كان تغير مقصود

الايمان بقيمه التعاون :-

تعاون وتضامن الفئات الاجتماعيه لاشباع احتياجاتهم وحل ما يواجهها من مشكلات .

الايمان بقيمه الديمقراطيه :-

الايمان بقيمه المشاركه :-

اما مجالات الرعايه الاجتماعيه :-

1- الخدمات الاجتماعيه :-

2- الامدادات الاجتماعيه :-

أ- التامنيات الاجتماعيه

ب- المساعدات الاجتماعيه العامه

ج- العمل الاجتماعى

صور مجالات الخدمه الاجتماعيه

ا- مجالات علاجيه ( اساسيه ) وتشمل

أ- فئات خاصه وتشمل المسجونين والمدنين

ب - علاجى اسكانى

ج- علاجى صحيه

د- علاجى تعليمى

س- علاجى عمالى

ش- علاجى ترويجى

ص- رعايه تشريعيه

2- مجالات وقائيه

3- مجالات علاجيه وقائيه وانشائيه

اما العلاقه بين الخدمه الاجتماعيه والرعايه الاجتماعيه فسوف نلقى الضوء عليها من خلال :-

الخدمه الاجتماعيه احد الانشطه الانسانيه التى تقدم المساعده والعون للفقراء والمساكين فاصبحت احد المهن التى تتعاون معا فى تحقيق اهداف الرعايه الاجتماعيه فهناك العديد من المهن تعمل معا باسلوب العمل الفريقى لتحقيق اهداف الرعايه الاجتماعيه

فنجد الطبيب - يقدم خدمات الامومه والطفوله

ونجد المدرس - يقدم خدمات تعليميه

ونجد القانون - يقدم اصدار تشريعات التامنيات الاجتماعيه والضمان الاجتماعى .

اما دور الاخصائى الاجتماعى فنجده:-

يتعاون مع هؤلاء فى تحقيق اهداف الرعايه الاجتماعيه من خلال استخدامه للبرامج الاجتماعيه الترويحيه

فالرعايه الاجتماعيه اشمل واعم من الخدمه الاجتماعيه

والخلاصه لمقالنا اليوم هو

1- ان الخدمه الاجتماعيه جزء من انشطه الرعايه الاجتماعيه فى المجتمع

2- فهى تساهم وتعين الرعايه الاجتماعيه فى تحقيق اهدافها

3- وتساعد فى التعرف على احتياجات الاهالى

4- واجراء البحوث والمسوح الاجتماعيه التى تجريها الخدمه الاجتماعيه

5-تساعد الخدمه الاجتماعيه فى ايصال برامج الرعايه الاجتماعيه لمستحقيها بفاعليه وكفاءه

6- تساهم الخدمه الاجتماعيه بطرقها واساليبها الفنيه فى تحقيق اهداف الرعايه الاجتماعيه.

وهنا نكون قد القينا الضوء على الخدمه الاجتماعيه وعلاقتها بالرعايه الاجتماعيه كدا محاور التخطيط الاجتماعى والتنميه المستدامه

وسوف نوالى اليكم كل جديد لكى يعم الوعى ونفيد انفسنا ومجتمعنا والناس ...

ونلقاكم على خير باذن الله

اداره الموسسات الاجتماعيه واثر التخطيط الاجتماعى كاحد وظائف الاداره

بادىء ذى بدء سوف نتحدث اليوم فى موضوع بحثنا عن الاداره بصفه عامه وعن الاداره فى المؤسسات الاجتماعيه بصفه خاصه والربط بينها وبين التخطيط الاجتماعى كاحد وظائف الاداره

تعتبر الاداره قديمه قدم التاريخ فهى تمارس قبل ان تنشىء النظريات والمفاهيم والتعاريف التى وضعت لها وقد برز الاهتمام بالاداره بالاداره بعد الثوره الصناعيه وبعد ظهور المنظمات كبيره الحجم مثل الجامعات والكليات والمؤسسات التى اهتمت بتدريس ماده الاداره ضمن مقرراتها واذا نظرنا نظره تاريخيه كمدخل تطورى للاداره نجدها منذ الحضارات القديمه فمثلا كان اليونانين بالادراه من خلال اختيار موظفيهم عن طريق القرعه .وقد كانت السلطه عندهم على ثلاث مستويات وقد جاء الاسلام واهتم بالاداره وحفز عليها والاداره على المستوى التطورى تعتبر ميدان للفكر ودراسه لها تاريخ طويل

وقد تطور ذلك الفكر الادارى وكان له عده صور سنلقى الضوء عليها باختصار من خلال اربع مراحل هى:-

1- الادراه العلميه

2- العلاقات الانسانيه

3- المدرسه التجريبيه

4- اتجاه النظم فى الاداره

وعليه فان تاريخ الفكر الادارى تمثل فى تلك المراحل ولكل مرحله من لها اساسها العلمىوعليه فانه لايتحقق الفاعليه لها الا بالممارسه العلميه الاداريه حتى يمكن فهمها جيدا والاستفاده منها .

وعليه ومن خلال بحثنا سوف نلقى الضوء على ما يلى :-

1- مفاهيم وتعاريف :-

1- مفهوم الادراه والمفاهيم السائده لها

2- خصائص الفكر الادراى ومستويات الاداره

3- اهميه دراسه الادراه فى الخدمه الاجتماعيه

2- النظريات والاتجاهات الحديثه فى الاداره وخاصه اداره مؤسسات الرعايه الاجتماعيه من خلال :-

1- وظائف الادراه:

ا- التخطيط : مفهومه واهميته والعوامل التى تؤثر فيه وانواعه ومعوقاته

ب - التفاوض :-

ا- مفهومه

ب- مراحله

ج - معوقاته

د- مهارات التفاوض

2- اساليب ادراه المنظمات الاجتماعيه

ا:- ادراه الجوده

1- مفهومها

2- اهدافها

3- الصفات التى تراعى فى مؤسسات الرعايه

4- مراحل تطبيق اداره الجوده

5- قياس جوده الخدمات فى المنظمات الاجتماعيه

6- اسس ادراه الجوده

7- اداره التحول الرقمى

8- اداره الموارد البشريه

ب- نموذج عملى للتخطيط الاستراتيجى لاحدى دور الرعايه الاجتماعيه

3- النتائج والتوصيات

اولا : المفاهيم والتعاريف

1- مفهوم الاداره :-

وهى تعنى الخدمه او مهام ادراه الاعمال والخدمه تطلق على الجهات الحكوميه والمنظمات التى لاتهدف الى الربح

اما المفاهيم السائده للاداره :-

الادراه

هى الرئاسه - التنظيم - الاداره شىء والتنظيم شىء اخر - نشاط - اشخاص - عمليه - مهنه -فن - علم - مزيج بين العلم والفن ( حيث ترتكز على عديد من العلوم الاجتماعيه والسلوكيه )

اما مفهوم الاداره العام :-

تعرف على انها توفير نوع من التعاون والتنسيق بين الجهود البشريهالمختلفه من اجل تحقيق هدف معين )

اما مفهوم الاداره فى الخدمه الاجتماعيه :-

هى عمليه اتخاذ القرارت المناسبه لتعبئه الطاقات المتكامله لجماعه من الافراد لتحقيق الاهداف المبتغاه فى اطار المحددات القائمه

وللاداره عده خصائص تتميز بها ومن خصائص الفكر الادارى مايلى

1- االاداره نشاط انسانى هادف

2- وظائف الاداره متكامل

3- التفاعل والاقتناع باهميه المناخ المحيط

4- التوجه بالسوق

وللاداره عده مستويات يجب الاهتمام بها داخل المؤسسات العامه والاجتماعيه منها مايلى

1- المستوى الاول ( الاداره العليا)

2- المستوى الثانى ( الاوسط)

3- المستوى الثالث ( التنفيذى)

ومن خلال ماسبق يتضح لنا التعاريف والمفاهيم المرتبطه بالاداره عامه والاداره الخاصه بالمؤسسات الاجتماعيه وغيرها خاصه

وسوف نتحدث فى المحور الثانى عن النظريات والاتجاهات الحديثه فى الاداره وخاصه مؤسسات الرعايه الاجتماعيه وسوف نقوم بايضاح ذلك من خلال القاء الضوء على :-

1- وظائف الادراه :-

ومن تلك الوظائف سوف نقوم بالقاء الضوء على احدى تلك الوظائف وهو

التخطيط الادارى :-

وسوف نقوم بايجاز بالشرح :-

1- المفهوم

2- الاهميه

3- العوامل التى تؤثر فى التخطيط الادارى

4- معوقات التخطيط

5- انواع التخطيط

اما مفهوم التخطيط الادارى :-

فهو عمليه التنبؤ بالمستقبل وبما سيكون عليه والاستعداد لهذا المستقبل .

اما اهميته :-

1- حشد الموارد

2- المساعده فى اتخاذ القرار

3- توجيه الجهود الجماعيه

اما العوامل التى تؤثر فى التخطيط الادارى :-

1- الموارد والوقت المتاح

2- نوع المشكلات التى تواجه المؤسسه

3- خبره ومهارات ادراه المؤسسه

اما معوقات التخطيط :-

1- عدم شموليه التخطيط

2- ضعف المتابعه

3- نقص المعلومات

4- عدم كفاءه الاجهزه التنفيذيه

2- التفاوض كاحد وظائف الاداره :-

1- مفهومه

2- مراحله

3- معوقاته

4- مهارات التفاوض :-

اما مفهوم التفاوض :-

فهو عليه يلجا اليها المتنازعون من خلال تقريب وجهات النظر المختلفهسواء كان موضوع الصراع ماديا او معنويا داخل المنظمه .

اما مراحل التفاوض :- فهى تحتاج الى مناقشه دائمه بين طرفى التفاوض وهى بايجاز :-

1- عرض دقيق لطبيعه المشكله وحلها

2- ايجاد المعلومات حول المشكله

3- تحديد اسباب المشكله

4- تحديد الهدف الذى ستحققه المشكله

5- اقتراح حلول ممكنه

6- اختبار الحلول

7- قبول حل نهائى

8- وضع الحل النهائى موضع التنفيذ

اما معوقات التفاوض فهى تنقسم الى ثلاث مستويات :-

1- معوقات متعلقه بالرئيس

2- معوقات متعلقه بالمرؤس

3- معوقات متعلقه بالمنظمه خاصه

اما مهارات التفاوض :-

فهى سمات وخصائص فى شخصيه المفاوض

وتنقسم الى نوعين

1- خصائص معرفيه:- معرفه لغويه - قانونيه - ثقافه عامه

2- خصائص ذاتيه : - وتتميز بالنضج - الذكاء لديه- فن الاستماع

اساليب ادراه المنظمات الاجتماعيه :-

1- اداره الجوده

ا- مفهومها

ب- اهدافها

ج-الصفات التى تراعى فى مؤسسات الرعايه

د- مراحل تطبيق اداره الجوده

ه- قياس جوده الخدمات فى المنظمات الاجتماعيه

ن- اسس اداره الجوده

و- اداره التحول الرقمى

س- اداره الموارد البشريه

اولا :- مفهوم ادراه الجوده:-

هى الوفاء بتوقعات العملاء واداره الموارد والظروف المؤديه لبلوغ الجوده الشامله

ثانيا :-اهداف الجوده الشامله:-

1- التحسين والتطوير المستمر فى جميع اقسام المؤسسه .

2- العمل على تضامن جميع العاملين داخل المؤسسه

ثالثا:- اسس ادراه الجوده الشامله:-

1- التزام الاداره العليا

2- التوجه بالعميل

3- اشراك العملاء فى الجوده وشؤنها

4- تصميم المنتجات يؤدى الى الجوده

رابعا:- مراحل تطبيق اداره الجوده :-

1- مرحله الاعداد

2- مرحله التخطيط

3- مرحله التقييم

4- مرحله التنفيذ

خامسا قياس جوده الخدمات فى المنظمات الاجتماعيه :-

وقد تم دمجها فى خمسه ابعاد بعد عام 1988 وهى

1- الجانب الملوس

2- الاعتماديه

3- الاستجابه السريعه

4- التعاطف

5- الثقه فى التعامل

وقد تم تقديمها فى شكل مقياس يسمى SERVQUALويتم تقديمه قبل الخدمه بمعنى قبل ان تقدم الخدمه للعميل لقياس الجوده المتوقعه والثانى بعد الخدمه لقياس مستوى الخدمه فيما يسمى الجوده المركبه: وهو المقياس الاكثر شيوعا فى العديد من الدراسات الميدانيه .

2- اداره التحول الرقمى:-

1- مفهوم التحول الرقمى

2- اهميه التحول الرقمى

3- المعوقات التى تؤدى اليه

4- العوامل التى تؤدى الى نجاحه

3- اداره الموارد البشريه:-

1- مفهومها

2- اهميتها

3- المعوقات التى قد تكون سببا فى ادراه الموارد البشريه

4- العوامل التى تؤدى الى نجاحه

4- مثال عملى لاداره احدى مؤسسات الرعايه الاجتماعيه باستخدام احدى اساليب الاداره وهى( التحول الرقمى)

وبذلك نكون قد اوجزنا باختصار مفصل عن كيفيه اداره المؤسسات فى الخدمه الاجتماعيه عامه والمؤسسات بنوعها جميعا خاصه واستخدام الاساليب والاتجاهات الحديثه فى ادراه تلك المؤسسات ومنها من تم قياسه وتقيميه واثبت جدارته والاخر لم يثبت فعاليته ولهذا فانه علينا ان نواكب التطور والتطوير من خلال استخدام وظائف الاداره من خلال التخطيط الاجتماعى وقيام الباحثين والجهات البحثيه بعمل الابحاث الخاصه بذلك لنواكب التطوير لمؤسساتنا الاجتماعيه والتجاريه والصناعيه ...وغيرها

والى لقاء اخر فى موضوعا جديدا نلقى الضوء عليه ويعم الوعى والاستفاده منه باذن الله ...ونلقاكم على خير

اثر تدخل الغير فى الخلافات الزوجيه

السلام عليكم ورحمه الله

اهلا وسهلا بكم

فى خاطره جديده والقواعد الذهبيه ....وكلمتين وبس

النهارده حنتكلم عن موضوع بيشغل بال كتير من الازواج والزوجات ومش بس كدا وكمان المقلبين على الزواج

عايزين تعرفوا الموضوع اللى حنتكلم فيه النهارده..قبل ما نبثدا فى موضوعنا النهارده ..النهارده لاحظنا ان فيه تيرند فى السوشيال ميدا

منتشربيتكلم عن موضوع مهم وهو الخلافات الاسريه بين الزوجين ...ودا موضوع اتكلمنا فيه فى خاطره سابقه عن (اثر تدخل الغير فى الخلافات الزوجيه )

والنهارده حنتكلم عن القواعد الذهبيه فى حل الخلافات الاسريه بين الزوجين واول قاعده الذهبيه اللى طبقناهاحتفرق جدا الزوجين

1- المحبه :- ياجماعه احنا بينقصنا المحبه والحب الحب اللى من غير مصلحه ولاحاجه ولا طلبات يعنى حب بدون شروط يبقى بينكو وبينبعض حب بجد حب لابيزيد بود ولا ينقص بهجر ..

محبه تولد موده تخلى فيه حوار واقناع ودى تانى قاعده فى خاطرتنا النهارده

2- الحوار :- بينقصنا فى معظم بيوتنا النهارده لغه الحوار علشان مفيش بين الازواج اتصال علشان كل واحد فهم خلص رصيد التانى عنده فبقوا عايشين زى الاغراب فى بيت واحد وكل واحد فيهم ليه عالم خاص بيه لوحده ومكان شريك حياته فاضى فى العالم بتاعه فكل واحد فيهم بيدور على بديل يسد فراغ اللى سايبه شريك حياته وممكن يدخل اى حد بديل علشان يملىء الفراغ اللى سايبه شريك حياه كل واحد ..

وللاسف ..وبحسن نيه التدخل دا ممكن يسبب خلافات تؤدى الى انهيار العلاقه اللى ممكن كانت تستمر بشكل طبيعى لوكان فيه مابينهم لغه الحوار اللى بتكلم عنها وكمان لوبينهم المحبه والموده ..

فخلى القواعد الذهبيه دى دايما فى عقلك وقدام عينك حتلاقى ان الخلافات بتزول لوحاولت تطبقها صح وبكدا نكون وصلنا لنهايه خاطرتنا اليوم ..

ونلقاكم على خير باذن الله.

ازاى نخلى الاولاد يتعاملوا مع بعضهم

السلام عليكم ورحمه الله وبركاته

اهلا وسهلا بكم

قبل ما نبدا نتكلم عن القواعد الذهبيه فى تعامل الاخوات مع بعضهم .....عايز كل اب وكل ام يعرفوا الكلام اللى حقولوا دلوقتى ...

ان اولادكم مهما كانوا متشابهين معكم فى صفات مشتركه ولكن بينهم وبين بعضهم فروق فرديه

والفروق الفرديه المقصود بيها :-

السمات الشخصيه لكل واحد حتقولى دا لسه صغير ...حقولك ..دى البصمه اللىربنا وضعها فى كل ابن واحنا لازم نساعد على توضيحها مش طمسها ..احنا ليه عايزين نطمسها ونخليها بصمتنا احنا او نخليها بصمه حد تانى خلينا نعودهم على بصمتهم هما.

السمات الشخصيه :- هى اللى بتبنى الثقه بالنفس وتخليه يعرف ازاى يحدد هدف ويبقى اجتماعى ويتفاعل مع المجتمع

ويلا بينا نتكلم عن خاطره اليوم :-

وازاى نعرف نخلى الاولاد يتعاملوا مع بعضهم

واول قاعده عايزك تزرعها فى الاولاد والاخوات من وهما صغيرين

1- التعاون ...التعاون فى عمل الخير ..ومساعده الغير والاخرين والضعفاء والمساكين والمحتاجين..

التعاون فى مساعده والدتهم ..ومساعده بعضهم ويبقوا ايد واحده ..التعاون فى اى عمل بيعملوه او لعبه بيلعبوا بيها .. كدا احنا بنزرع فيه ان الاتحاد قوه .

2- الانصات ...الانصات ايوا يتعلموا ان يسمعوا اكتر من ان يتكلموا وبعد ما ينصت يقدر يعبر عن رايه ..يسمع راى اخوه مهما كان هذا الراى ..وبعد مايسمع كويس يقرر وجه نظره عن رايه .كدا احنا بنزرع فيه التفكير الابداعى والفهم والتامل قبل اصدار اى قرار

3- الحياه مكسب وخساره ونجاح وفشل..يعنى لو بيلعب مع اى حد لعبه وخسر فيها عادى يتقبل ويتعلم من اخطائه ويكسب المره الجايه ويتقبل نفس الاسلوب لو بيلعب مع اخوه ..كدا حنزرع فيه الثقه بنفسه ويقدر يواجه اى ظروف فى الحياه

واهم قاعده ودا لكل اب وكل ام وهى ان تكون قدوه ليهم خليك وخليكى قدوه بالاعمال مش بالنصائح ليهم فقط وتذكيرهم باللى انتوا كنتوا بتعملوه وانتوا صغيرين عملوهم القدوه عملى..

باللى انتوا عايزين تزرعوا فيهم لازم انتوا تعملوه قبلهم وتطبقوه كمان ويشاهدوا فيكم ..اتعلموا انتوا كمان

الموده بينكم وبين اولادكم ..

اتعلموا لغه الحوار والنقاش عيشوا سنهم وقت حواركم معاهم ..

اتعلموا ان تعلموا اولادكم ان يناموا بدرى ويصحوا بدرى ..

حاولو ان تخلوا وسائل التواصل نعمه مش نقمه وتتهاونوا وتقولوا لهم من وهم سغيرين يعملوا ايه ...علموهم الاستثمار فى وقتهم وحياتهم وصحتهم...

الاولاد..فى ايديهم التليفون ليل ..ونهار ..وبعدين ادمنوا التليفون ..كل دا لان انتوا لم تزرعوا فيهم الهدف لم تزرعوا فيهم الهوايه ..لم تستغلوا الوقت والطاقه والصحه ..حاولو تساعدوهم ....حتى وان كانت التكنولوجيا هى اللى بتتغلب ..فخليهم يتعلموا ان التكنولوجيا لها وقت محدد فقط هما اللى بيتحكموا فيها وانتوا ..كمان تتعلموا كدا قدامهم ..ولو عملتوا كدا وشافوكم اولادكم ...حيبدوا يتعلموا منكم ..وكمان حيبدعوا فى تعاملاتهم مع بعض..فخلوا زى ما قولنا

التعاون

والانصات

الحياه مكسب وخساره

دى قواعد لاودكم علموها لهم وازرعوها فيهم وحتلاظو الفرق واكيد حيطلع الاولاد نافعين لانفسهم ومجتمعهم..وبكدا نكون اتكلمنا عن القواعد الذهبيه فى تعامل الاخوات مع بعضهم وازاى يبقوا نافعين لانفسهم وللمجتمع وان شاء الله الخواطر الجايه حنكمل القواعد الذهبيه وكلمتين وبس ..وموضوع جديد من المواضيع اللى تهم الاسره والشباب

وحنلقى الضوء عليها باذن الله...والقاكم على خير

ازاى تعيش حياه ابنك فى سن المراهقه

السلام عليكم ورحمه الله

اهلا بكم

اتكلمنا فى الخاطره السابقه على القواعد الذهبيه للتعامل مع ابنك او بنتك فى سن المراهقه والنهارده حنتكلم عن اول قاعده فى القواعد الذهبيه الاربعه للتعامل مع المراهق وهى:-

ازاى تعيش حياه ابنك او بنتك فى سن المراهقه

يلا بينا نتعرف عليها

طبعا الكل بيسال والكل عايز يعرف ازاى يعيش حياه ابنه او بنته فى سن المراهقه وليه ...لا اللى انت تعيش حياه المراهقه لو كانت حياه سعيده

وعايزك تعرف حاجه مهمه وهى

ان ابنك او بنتك بيتختلف عنك فى مرحله المراهقه اللى هى اهم مرحله فى حياته

بيختلف فى طريقه تفكيره

وطريقه لبسه ومظهره

وطريقه اكله

علشان كدا عايز منك اول حاجه تطبق القواعد اللى جايه دى كويس وعايزك تركز معايا عليها

وخلى بالك ان ابنك او بنتك ممكن ميسمعش اى كلام ممكن تقولو له ولا حتى يفكر فيه

وحيكون كل رد فعله فى الاعتراض على كلامك او افكارك او ممكن تلاقيه منطوى او منعزل علشان كدا اول حاجه تعملها

1- تتقبل افكار ابنك او بنتك مهما كالنت

2- حاول تكون طويل البال مع ابثثنك او بنتك ومتحولاش اللى انت تغضب اوتتعصب عليه اوتعطيه النصحيه فى صوره امر

3- عايزك تحاول اللى انت توفر جزء من وقتك علشان تعيش التجربه معاه ولوطبقت القواعد دى حتلاقىان فرق كبير حتلاحظه فى تصرفات او افكار ابنك وحيبدا ابنك يكتسب احترامك

ودا موضوع خاطراتنا اللى اتكلمنا عنها سابقا فى القواعد الذهبيه وكلمتين وبس ...

وبكدا اكون انتهيت من خاطره اليوم والقواعد الذهبيه للتعامل مع ابنك او بنتك فى سن المراهقه ...

والقاكم

فى خاطره جديده باذن الله

القواعد الذهبيه فى التعامل مع طلاب المرحله الثانويه

السلام عليكم ورحمه الله

اهلا وسهلا بكم

خاطرتنا اليوم من الخواطر اللى بتشغل بال كل بيت فى مصر والوطن العربى وعلشان كدا احنا حنركز فيها وعليها النهارده جيدا وقبل ما نبدا علينا ان نوضح لكل الابناء نقطه مهمه جدا وهى

1- الوقت / يعتبر الوقت اهم ثروه فىحياه اى انسان فحافظ عليها كويس

2- الصحه/ والمقصود بالصحه هنا صحتك النفسيه بجانب صحتك العضويه فخلى دايما عندك ثقه بنفسك واتعلم ازاى يبقى عندك دايما ثقه بنفسك واتعلم انك متخفش من حاجه ولا شك طول ما انت عندك ثقه

وانا حدليك مثال على كدا لو انت بتعلب كوره وحريف وعندك مهاره ياترى لو انت نازل الماتش وعندك شك فى انك مش كويس او خايف من انك تجيب جون او تلعب كويس ياترى النتيجه حتكون ايه اكيد النتيجه مش كويسه

علشان كدا حافظ على صحتك النفسيه واعرف ازاى تتعلم تحافظ عليها وتتعلم من وانت صغير يكون عندك صحه نفسيه سليمه ....

وزى ما انا بقول ( العقل السليم فى الصحه النفسيه السليمه)

الثانويه العامه

زيها زى اى مرحله فى حياتك اعرف القواعد دى كويس وطبق عليهم لانهم حيفيدوك لما تكبر وتتابع نفس الفيديوهات دى

اول حاجه

التخطيط

التنظيم

التقويم والمتابعه

حاول :- ان يكون عندك هدف عايز توصل له لما يكون عندك هدف حتقدر تخطط لهدفك وكمان حتقدر تنظم له وكمان حتعرف تشوف انت وصلت لفين وتغير وتعدل فى اللى وصلت له وكمان حتبقى مستمتع وانت ماشى فى حياتك

يعنى انت النهارده لو خططت ليومك وحطيت خطه ليومك بتعمل فيه كل اللى بتحبه (بتذاكر - بتصلى- بتلعب رياضه- بتروح دروسك- بتتابع وسائل التواصل الاجتماعى -بتجلس مع اصحابك وتزورهم )

كل دا بتعمله وانت مخطط له ومنظم يومك لوعملت كدا كل يوم حتيجى اخر الاسبوع حتلاقى حصيله كبيرهمن النجاح والنظام وحتلاقى بردوا اخطاء لو انت بقى جيت كل اسبوع وعدلت فى الحاجات الى مش عجباك او ضيعت فيها وقت كتير ودا طبيعى وبدات تعدل فيها وتحط فى جدولك وخطتك حاجه بديل لها حتقدر فى نهايه الشهر تجد عندك حصيله مفيش حد يوصل ليها الا انت وكمان حتشوف

وحتحس بالفرق الكبير دا فى حياتك وفى الثانونيه وفى اى مرحله من حياتك

جرب

انك تحط هدف لحياتك

وخطط ليومك كويس واتعلم ازاى تخطط ليومك وشوف حد يساعدك

نظم اعمالك فى اليوم ورتبها

عدل وغير فى اعمالك وشوف اللى بيساعدك على هدفك وركز عليها كويس

تابع كدا كل شهر انت وصلت لفين وحتلاحظ فى الاخر انك من اوائل الثانويه صدقنى لو طبقت تلك القواعد....

وبكدا اكون خلصت خاطره اليوم ...

والقاكم فى الخاطره القادمه باذن الله

ازاى تكتسب احترام ابنك او بنتك ليك

السلام عليكم ورحمه الله

اهلا بكم وسهلا

فى خاطره جديده من خاطرتنا ....كلمتين ...وبس ...والقواعد الذهبيه فى ازاى تكتسب احترام ابنك او بنتك ليك...

طبعا زى ما انتوا عارفين احنا بنتكلم عن القواعد الذهبيه فى التعامل مع ابنك او بنتك فى سن المراهقه

واتكلمنا فى الخواطر السابقه عن قاعده

ازاى تعيش حياه ابنك او بنتك فى سن المراهقه وعرفنا ان ابنك او بنتك فى سن المراهقه اللى هى اهم مرحله فى حياته بيختلف فى طريقه

1- تفكيره

2- لبسه ومظهره

وكمان بيتختلف فى طريقه

3- اكله

وعلشان كداعايزك ان انت

1- تتقبل افكاره وسلوكه

2- تكون طويل البال معاه ومتحولش انك تغضب او تتعصب عليه او ان انت تديله النصحيه فى صوره امر ومش كدا وبس

3- خلى صدرك واسع وشوف هو بيحب يعمل ايه وعيش التجربه معاه

يعنى مثلا

شوف هو بيحب هوايه معينه حاول انك توفروقت وتحاول تمارسها معاه او تتعلمها معاه اومنه

كدا حتبقىحاولت تعيش التجربه معاه وحتبدا تكتسب احترام ابنك او بنتك ليك

طبعا الكل بيقول دلوقتى يعنى ابنى او بنتى حتربينى هما اللى حيعلمونا ويربونا ....بالعكس

انت امين عليهم فقط .....انا وانت امين عليهم فقط...وعلشان تحافظ على الامانه عليك ان تحافظ عليها زى ماهى

مش زى ما انت عايز ..

وعليك انك تغير من افكارك اللى فاتت وتحدث فيها دائما ...ولو حابب تغير من افكارك وتبدا تعيش فى سلام وهدوء ...

فانت معانا فى الطريق الصح...

ولومش حابب تغير من افكارك فانت مش حتقدر تستفيد من اللى بنقوله .

لاننا بكل بساطه بننسف الافكار القديمه وبنعمل تحديث للافكار اللى هى بتواكب العصر وتخلينا نعيش فى هدوء وسلام ونقدر نحقق كل احلامنا ونطور انفسنا ونطور فى طريقه تربيه وتعليم اولادنا اللى هما امانه معانا مش ملك لينا

ونرجع لموضوع خاطرتنا

وهى ازاى اكتسب احترام ابنى او بنتى فى سن المراهقه

ابنك او بنتك فى سن المراهقه بيخرج لعالم جديد عالم حيعيش فيه بقيه عمره بعد الطفوله عالم بينضج فيه بافكاره ومشاعره وعواطفه وجسده كل شئ علشان كدا حاول انك تخليه خارج للعالم بحريه مش بخوف حاول يكون مطمئن ...ليك مش خايف منك ومش بيحترمك الا خوف منك

طب تعمل ايه ...او انت بتقول لنفسك اعمل ايه دلوقت ....

اقول لك

1- حسسه انه هو عايش سنه دلوقتى مش لسه فى مرحله الطفوله

2- اعرف احساسه ايه من جوه ومن بره واتكلم معاه وصاحبه وخليه صاحبك افضل من انه ابنك.

3- حاول تراقبه ...بس ومن بعيد لبعيد ومتحاولش تصدر عليه احكام وتخلى حكمك قبل حلمك عليه حلى حلمك اولا

خليك زوق واعرف متطلباته ايه وحاول تفهمه انك عارف متطلباته ايه وان لما الظروف تبقى كويسه حتوفرها له او حتساعده فى انه يحوش ويوفرها لنفسه)

ومتحولش تكون نرفوز عليه وتنفزه علشان بيطلب منك اى شئ ولا تقوله انه مش حاسس بيك او ان دماغه فاضيه

كل دا ممكن يخلى ابنك او بنتك ميكتسبش ثقه فى نفسه وفيك ايضا ويخليه خايف منك ويبقى الاحترام ظاهرى فقط مش حقيقى

علشان كدا وبصراحه بقول لكم جميعا

حاولوا توفروا الوقت للجلوس مع اولادكم مش علشان تقعدوا تاكلوا وتشربوا معاهم ...كمان علشان تتكلموا معاهم وتعيشوا حياتهم ...

عيشوا سنهم بجد حسس ابنك اوب نتك انه ممكن يعتمد على نفسه وانه حر وان ممكن يصاحب اصدقاء ويختارهم وزى ماقلت لك راقب من بعيد وخليه يشوف الكويس والشخص السئ

وعلمه من وهو فى بدايه حياته الجديده دى ازاى بخطط يومه وينظم وقته

واخيرا علمه

لغه الحوار والاقناع فى التعامل وتقبل الراى والراى الاخر من الغير

ولو بدات بالصوره دى صدقونى حنبنى جيل جديد

جيل القواعد الذهبيه

اللى حيبقى عنده

ثقه بنفسه - مرونه - اجتماعى - وبيقدر يواجه الحياه ويستمتع بيها

وبكدا نكون وصلنا لنهايه خاطرتنا من القواعد الذهبيه ...وكلمتين وبس ...ونلقالكم فى الخاطره القادمه باذن الله

ازاى تثق فى ابنك وبنتك فى سن المراهقه

السلام عليكم ورحمه الله وبركاته

اهلا وسهلا بكم ...متابعينا الكرام

فى خاطره جديده سوف نقوم كل يوم بالقاء الضوء على واحده منها كسلسله توعويه لافراد الاسره والشباب جميعا

جالنا رسايل كتير على صفحتنا الخاصه بمركز (بصائرللاستشارات والتدريب) على الفيس بوك ودى صفحتنا على الفيس بوك بننشر فيها كل المواضيع اللى بتهتم بالاسره والشباب ...ياريت تدخلوا عليها وتتابعوها وتقولوا لنا رايكوا ايه فى تعليقاتكوا وكمان تقولوا لنا ايه المواضيع اللى ممكن نفيدكم بها وتهمكم وتهم الاسره والشباب ..

عايز بابا يسمع كلامك ويطبقه معايا ...علشان مش عارف اعمل ايه معاه...

وانا بقولك وبقول لكى

حاولوا ان تقروا وتطبقوا اللى حقول لكم عليه ده...قدام بابا وماما وتخليه يقروا معاكم ولو قراوما اقنتعش .....

فمتقلقش خالص

خلى عندك ثقه بنفسك لانك بدات صح ..وبدات ان انت وانتى تعتمدوا على انفسكم وتعبشوا حياه القواعد الذهبيه اللى حتطور من حياتكم .

وبقول لكل اب وكل ام ابنك او بنتك امانه حافظ عليها واسمع ليهم لانهم هما اللى حيدوموا لك بعد العمر الطويل ...

ودا الرسول قال لنا عليه اذا مات ابن ادم انقطع عمله الا من ثلاث

1- عمل صالح

2- صدقه جاريه

3- ولد صالح يدعوا له

فاجعل ابنك او بنتك عملا صالح ويدعوا لك ايضا .

طبعا زى ما انتوا عارفين احنا بنتكلم عن القواعد الذهبيه فى التعامل مع ابنك او بنتك فى سن المراهقه

واتكلمنا فى خاطره سابقه عن قاعده مهمه وهى

ازاى تكتسب احترام ابنك او بنتك فى سن المراهقه

والقاعده دى بيتبنا عليها اساس المرحله اللى حيكون ابنك او بنتك فيها وهل ياترى حيكون سعيد ام منطوى ومنعزل اوقلق

او حر اومرن او متوازن او اجتماعى او عنده ثقه بنفسه

كل دى بيتبنا من قاعده اكتساب احترام ابنك او بنتك ليك

علشان كدا احنا قلنا خلى بالك ان ابنك او بنتك ماهم الا امانه معاك وانت وانا امين عليهم فقط نحافظ عليهم مش زى ما انا عايز بل زى ماهما بالظبط ...ودا عايز انك تغير من افكارك فى طريقه التعامل معهم وطريقه تنشئتهم

وركزوا كدا معايا فى طريقه تنشئتهم دى ...

اللى احنا قولنا فيها انا احنا بننسف الافكار القديمه فى التعامل مع ابنك او بنتك علشان تعيش فى هدوء وسلام وتطور من طريقه تنشئه ابنك او بنتك

علشان يكون

1- عنده ثقه بنفسه

2- مرونه

3- يقدر يواجه الحياه ويستمتع بها

وقولنا

متحاولش تصدر عليه احكام وتخلى حكمك قبل حلمك عليه

وخليك ذوق معاه واعرف متطاباته ايه وحاول تفهمه انك عارفها وممكن تساعده يحوش ويوفرها لنفسه لما وقتها يحين ...

ومتكونش نرفوز معاه او عصبى وطول بالك عليه وعلمه ازاى يخطط ليومه وينظمه

ومش بس كدا دا انا عايزك تثق فى ابنك او بنتك

وهى دى موضوع قاعدتنا اليوم وموضوع خاطرتنا اللى احنا حنتكلم عليها بس ركز معايا شويه...

بعد ما احنا حسسنا ابنانا او بنتتنا على انه عايش سنه الان ...وعرفنا احساسه ايه من الداخل ومن الخارج واشعرناه بالاطمئنان وخليناه مش خايف مننا وبيحترمنا مش خوف ....

وراقبناه فقط ووفرنا له الوقت نقعد معاه ونصادقه واديدته الثقه فى نفسه ....

حاول بقى تخليه اجتماعى وواثق من نفسه وتعلمه يسمع كتير ودا من خلال انك تكون قدوه ليه يشوف اللى بتقولوه فعلا امام عينه

فدا حيخليه واثق من نفسه ومش بس كدا ...

حاول تخرجه من مرحله الطفوله والسيطره عليه وخوفك الشديد عليه...

بانك تخطط له وتعرف هو بيحب ايه وتحاول تخليه يستمتع بوقته فيها سواء كانت رياضه - قراءه-رحلات ولا اى وسيله من وسائل التواصل الاجتماعى الحديث وحاول تخليه مستقل عنك وتنمى فيه دا وشجعه كل ماينجز حاجه جديده هو شاف انه انجز فيها وحس فيها بالنجاح حاول تكافئه ولو بكلمه طيبه وحفزه وشجعه على الاستمرار ولو فشل فى شئ حاول تحفزه على النجاح وتعرفه ان الفشل بدايه للنجاح كل دا من خلال لغه الحوار معاه والاقناع وتقبل الراى والراى الاخر

ولو بدات تعمل اللى بقول لك عليه وانت هادئ ومش عصبى ولاغضبان من ابنك صدقنى ان ابنك او بنتك حيكونوا اتزرع فيهم الثقه بانفسهم واكتسبوا احترامك واحترام الاخرين وبدوا يعرفوا القواعد الذهبيه اللى اتربوا عليها

ويبدوا تعليمها لاولادهم من بعدك ويطوروا من بعدكفيها كمان وبكدا نكون وصلنا الى نهايه القواعد الذهبيه فى التعامل مع ابنك اوبنتك فى سن المراهقه

ارجو ان اكون وفقت فى توضيحها لكم بصوره توصل من القلب للقلب علشان نقدر نبنى جيل القواعد الذهبيه فى كل شئ ونبدل حياتنا

للافضل باذن الله ...والقاكم على خير فى خاطره جديده ...والقواعد الذهبيه فى كلمتين وبس.

التخطيط الاجتماعى

بادى ذى بدا يعتبر التخطيط من اهم عناصر الاداره والذى بدونه تعتبر الاداره قد تفقد ركن مهم من عناصر نجاحها ومن اولوياتها ولهذا فالتخطيط يعتبر احد اهم عوامل نجاح الاداره او اى عمليه اداريه وليس اداريا فقط بل يعتبر التخطيط احد اهم عوامل نجاح اى مشروع ويعتبر سمه من سمات التتطور فى كل مجال ومكان وذلك بعد تطور وسائل التكنولوجيا وانتشار وسائل الانترنت وغيرها .

والتخطيط ليس وليد هذا العصر وانما هو وليد عصر القدماء المصريين والرومان فهم كانوا على معرفه كبيره بالتخطيط واصوله والتى نتبعها حتى اليوم فبناء الاهرامات او غيرها ما هو فى حقيقته الا عباره عم انجاز سبقه خطوات معينه ومهاره ودقه فكذلك سفينه نوح الذى يعتبر رائد التخطيط اذا اعتبرنا ان مشروعه الاول بناء السفينه والذى احتاج فيه الى تخطيط سبق التنفيذ ولهذا فان التخطيط قد مر بعده تعريفات ومفاهيم لكى يتم ايضاحه :-

فمنهم من عرفه فى كلمه واحده وهى الاختيار مثل ما عرفه كونتزا او كما عرفه فايول بانه

يشمل التنبؤ بما سيكون عليه فى المستقبل مع الاستعداد لهذا المستقبل ويتضح لنا من التعريفات السابقة أن التخطيط بصفة عامة أنها تصب في هدف واحد و هو التنبؤ بالمستقبل و إستنفار كافة الموارد له .

و لكن التخطيط في مجال الخدمة الإجتماعية قد لا يختلف كثير عن مفهوم التخطيط بصفة عامة و لهذا فإن التخطيط الإجتماعي مفهومة يتفق مع مفهوم التخطيط في الهدف و لهذا فإن مفهوم التخطيط الإجتماعي هو نشاط إجتماعي تحدد بواسطتة الأهداف التي نسعي إلي تحقيقها في مجال التنمية الإجتماعية و بطريقة منسقة .

و لهذا فإننا مما سبق نسعي إلي الوصول التوضيح.

أ-معلومات و مفاهيم

1-التخطيط الإجتماعي و علاقته بالخدمة الإجتماعية

2-تعريف التخطيط و المفاهيم المرتبطة به

3-معرفة مبادئ و أسس التخطيط و أهميته في تحقيق أهداف التنمية الإجتماعية

ب-توضيح بعض الإتجاهات و النظريات و من خلال

أ-تحليل أجهزة التخطيط الإجتماعي و إلقاء الضوء عليها في مصر

ب-إستنتاج ما سيحدث من متغيرات مجتمعية مرتبطة بالتنمية الإجتماعية

ج-إكتساب مهارة تحليل المشكلات الإجتماعية و المرتبطة بقديا المجتمع و علاقه التطور المعلوماتي و التكنولوجي و كيف ساعدك في

حل تلك المشكلات

ء-التعرف علي التحول الرقي لأحد الإتجاهات العملية التي ساعدت علي التطور و ذلك من خلال التخطيط الإجتماعي و كمثال واقعي تدريبي تم تطبيقهفعليا في بعض الجهات الحكومية

ج-النتائج و التوصيات

أولا المعلومات و المفاهيم

المبحث الأول :- مفهوم التخطيط

الخطيط كمفهوم يشمل التنبؤ بما سيكون عليه المستقبل مع الاستعداد لهذا المستقبل

أما مفهوم التخطيط الاجتماعى :- فهو نشاط اجتماعى تحدد بواسطته الاهداف التى نسعى الى تحقيقها فى التنميه الاجتماعيه وبطريقه منسقه .

اما مفهموم التنميه الاجتماعيه فهو عمليه تهدف الى اقامه مشروعات انمائيه بالوحدات الصغرى للمجتمع

وقد تتعدد التعريفات والمفاهيم ولكن لضيق الوقت سوف اكتفى بما تم القاء الضوء عليه لكم على الرغم من ان اولويات الوعى والتوعيه ان تكون لدينا قاعده عريضه من المفاهيم التى توضح مالدينا من معرفه للوصول الى النتائج الا اننا سوف نلقى الضوء تاليا على

مبادىء واسس التخطيط اى وهى

1- الواقعيه

2- الشمول

3- التكامل

4- الاستمرار والتجدد

اهميه التخطيط

1- توافر فرص العمل للاعداد المتزايده من سكان

2- تقليل التفاوت فى توزيع الثروه والدخل القومى للافراد

3- تضيق الفجوه مابين الدول الناميه والدول المتقدمه

المبحث الثانى

بعد ان تناولنل بعض المفاهيم والمعلومات المرتبطه بالتخطيط الاجتماعى

وسوف القى الضوء فى ذلك المبحث عن بعض الاتجاهات والنظريات المرتبطه بالتخطيط الاجتماعى وذلك من خلال

1- نماذج عمليات التخطيط

2- اجهزه التخطيط

3- مثال على عمليه التخطيط وهو ( التحول الرقمى لمكتبه داخل محكمه قنا ) والمراحل التى مرت بها

4- النتائج والتوصيات

اولا نماذج التخطيط

1- نموذج صنع القرار العقلانى الرشيد

2- النموذج المختلط

3-نموذج تقدير الحاجات

4- نموذج صنع القرار وتحديد الاولويات

1- نموذج صنع القرار العقلانى الرشيد

ويتطلب 1- تحديد المهام الوظيفيه

2- التعرف على المشكله ودراستها

3- البرمجه

4- التقويم والمتابعه

2- النموذج المختلط

وهو يتضمن خليط من العوامل والاسس التى يقوم عليها النموذج العقلانى الرشيد التحليلى مع اعطاء اهتمام اكثر للجانب الانسانى والاجتماعى والذى يؤكد على الجوانب التفاعليه للتخطيط وذلك من خلال

1- الاتصال

2- الانفاق العام

3- التنسيق العام

4- جمع البيانات والمعلومات

ومن امثله الدول التى استخدمت النموذج المختلط

1- ماليزيا

2- سنغافوره

3- الصين

3- نموذج تقدير الحاجات

وينقسم ذلك النموذج الى :-

نموذج التفاوض ويستخدم فى نطاق التعليم ويؤكد على التوقعات المبنيه على :-

1- وضع الهدف وتحديد مايجب ان يكون

2- تحديد ماهو موجود

3- تحديد اوجه الاختلاف

4- نموذج حل المشكلات

ويتضمن :- 1- تعريف للمشكله

2- توجيهات المشكله

3- التخطيط وعمليه اتخاذ القرار

اجهزه التخطيط

تختلف كل دوله فى اجهزتها الخاصه بالتخطيط كلا حسب الفلسفه والمنهج التى تسلكه كل دوله فى تنفيذ سياسه التخطيط بها فمثلا فى مصر نجد تلك الاجهزه ممثله فى

1- الجهاز القومى المركزى للتخطيط

2- اجهزه قوميه نوعيه متخصصه

3- اجهزه محليه عامه

ومن امثله تلك الاجهزه :-

1- المعهد القومى للحوكمه والتنميه المستدامه

2- المركز الديموجرافى بالقاهره

3- معهد التخطيط القومى

4- الجهاز المركزى للتنظيم والاداره

5- الجهاز المركزى للتعبئه والاحصاء

التخطيط

وعمليه التحويل الرقمى لمكتبه محكمه قنا الى مكتبه رقميه والمراحل التى مرت بها:-

1- مرحله الاعداد والتجهيز

2- البنيه التحتيه وتشتمل على :-

الاجهزه والمعدات

شبكات المعلومات

البرمجيات

عمل موقع شبكى

تاهيل وتدريب العاملين

اطلاق وتشغيل الخدمه

الخلاصه :

من هنا نكون قد اوضحنا مدى اهميه التخطيط فى كل امور الحياه وليس فقط فى الاداره فهو ركن مهم من لنجاح الاداره ونجاح اى مشروع وسمه من سمات التطور فى كل مجال ومكان وبعد تطور وساءل التكنولوجا وانتشار الانترنت وغيرها ولهذا فالتخطيط يجب ان يكون قيمه جديده نطور فيها ونتبعها ونتعلم نماذجها ونرى ما فيها من نماذج تتماشى مع سماتنا الشخصيه او سماتنا الماليه وتطبيقها والتعديل فيها لكى ننجح فالانسان وليد التجارب والمعرفه والعلم ...ولهذا فاننا ننصح بمتابعتنا ومتابعه مقالاتنا للوصول الى الوعى والتنميه ...والى لقاء اخر فى مقال اخر جديد وشكرا لمتابعتكم....

التسويق

التسويق لعل الكل حاليا يسعى الى التسويق الجيد لنفسه او لمنتجه ا ولسلعته بصوره تجعله يقدر على الحصول على عمل او النجاح فى حياته او البيع الكثير والربح ولهذا علينا ان نبدا بالتوضيح الجيد لعده اشياء يجب على كل من لديه بيزنس او مستثمر فى سلعه ان يعرف تلك القواعد والمفاهيم لعله يقدر على تطبيق اى مدخل جديد يكتسب به خبره تجعله مسوق جيدا ولهذا بادىء ذى بدا علينا ان نضع بعض تلك المفاهيم امام اعين كل قارء ومتابع لنا وهى:

التسويق : هو عمليه شراء العميل (الناس) تكلفه العمليه الانتاجيه او الشراءيه التى قمت بها كمنتج او كبائع .

يعنى التسويق يساوى عمليه شراء ذائد عمليه تكلفه.

طيب ايه بقى التشغيل :- والتشغيل يقصد به ضمان ان الناس او العملاء يبقى مبسوطه وهى بتدفع الفلوس للمنتج الخاص بك او الذى تقوم بتسويقه او بيعه ...

ولهذا تنتج عن ذلك عمليه المنافسه والكل يخطىء فى تعريفها او فهمها

فالمنافسه :-هو ان اكبر عدد من العملاء او الناس يدفع لك انت الفلوس بتاعه التشغيل والتكلفه لا يقوم بدفعها لشخص اخر .

ولهذا يحدث النجاح اللى هو استمراريه الحصول على الفلوس من العملاء فى اداره عمليه التشغيل والتسويق ....

ولهذا ايها المتابعين الكرام التسويق فى حد ذاته علم محتاج دراسه اكاديميه وكذلك عمليه فى السوق بالتجربه والفهم والمخاطره والصبر وقد اثبتت الدراسات للسوق عده استنتاجات اكدت ان التسويق محور مهم ومطلوب بصوره عمليه وليست نظريه اكدت التجربه العمليه للتسويق الى عده مفاهيم يجب ان تكون امام كل صاحب بيزنس او من يريد ان يقبل على بيزنس معين او يريد ان يستثمر فى منتج معين تلك المفاهيم هى :

1- ان الفرصه بتيجى فعلا من الدراسه الدائمه للسوق .

2- ان تكون جاهز ومستعد افضل من تكون لديك استراتيجيه او دراسه فقط للسوق.

3- ان يكون محور اهتمامك الاول هو العميل ثم بعد ذلك ابحث عن المستثمر الذى يشاركك او يدعمك.

4- تعلم ان الاستمراريه فى اى عمل مهم كان وخاصه البيزنس او الاستثمار اوفضل من ان تبحث عن تحقيق المكسب الصافى فقط .

5- البيزنس شىء مصيرى ومحورىفانتبه وانت تقبل عليله واستعد له جيدا وكن صبورا وشجاع على الاقبال عليه ان كنت تحبه فعلا.

ولهذا بعد ان عرضت لكم اهم المفاهيم العمليه للتسويق والبيزنس وكيفيه جعل تلك المفاهيم امام نصب اعين كل من هو يريد الاقبال على البيزنس او هو بالفعل داخل دائره البيزنس وعليه ان يضعها امام عينه علينا ان نتحدث على شىء مهم

وهو هل السوق فعلا محتاج مننا ان نقدم له منتجات جديده او خدمات جديده حاليا؟

ولعل الاجابه على ذلك السوال المحورى يتطلب مننا ان نوضح ان السوق حاليا متشبع بخدمات ومنتجات كثيره ولكنه محتاج مننا عده اشياء مهمه وستفرق كثيرا مع اى شخص مقبل على البيزنس او الاستثمار حتى فى الزواج او اولاده او اي شىء يريد ان يجنى منه نتائج ماديه او معنويه هذه الاحتياجات

1- طرق جديده لكل ما تريد ان تظهره او تسوق له او تبيعه او تنتجه او ...

2- قيم جديده

3- ضمير

4- جوده عاليه

5- خدمه باتقان

6- اسلوب راقى فى التعامل

7- مساعده عملاءك بدل ما تقوم بتوجيههم

8- هامش ربح معتدل ومناسب

9- خدمه ما بعد البيع

وبكد حتخلى عملاءك او الناس اللى بتشترى وتتعامل معك يحسوا انهم هم القيمه مش الفلوس اللى بيدفعوها هى القيمه ...كدا تبقى انت عرفت ازاى تسوق صح لاى منتج او تسوق لنفسك حتى .وتنتقل لتصبح فعلا ضمن فئه رجال الاعمال وهنا علينا ان ونوضح من هو رجل الاعمال .

فرجل الاعمال :هو رجل يحقق مكسب مادى من خلال امتلاك عمل وليس ان يمتلك شركه.وهو يختلف عن رائد الاعمال

فرائد الاعمال:- هو الشخص الذى يحقق مكسب مادى من خلال حل المشكلات بطريقه ابداعيه وهو ما نحن نريد ان نكسبه للناس ولعملاؤنا من خلال موقعنا وقناتنا ومقالتنا وكل اعمالنا لكى ينتشر الوعى ونعيش فى صوره صحيه وممتعه وكذلك يحصل كل عميل على فرصه فى البيزنس الخاص به ونعلمه كيفيه ادارته ومساعدته فى الاختيار وكذلك ايصال المفاهيم الاخرى فى البيزنس وايضاح له كيفيه التعامل مع كل نواحى حياته الاسريه والماليه وكيفيه مواجهتها .وبكدا يكون وصل الى الاستثمار .

والاستثمار :-هو كما نعرف راس مال مخاطر به حسب الفرصه اللى اتكلمنا عنها سابقا وعن مفهومها ثم نقسم هذه الفرصه على المده الزمنيه فيطلع لك العائد على الاستثمار وهذا الاستثمار يحتاج عده مهارات ( خبره- علاقات-عقل استثمارى - دراسه للسوق جيدا - ادوات للاستثمار- قلب واعى وفاهم جيدا وشجاع)

ولهذا تاتى لنا الافكار فى الاستثمار او البيزنس ونحن قد نكون غير مؤهلين لذلك وقد تلمع تك الفكره ونقوم بتنفيذها بصوره نظريه او عمليه احيانا وتكون النتاءج وخيمه لماذا لان الفكره قد تاخذ من مساحه من الوقت والمجهود البدنى والذهنى والتكلفه الماديه لتحيقهها وكل ذلك لكى تحصل على مكسب مادى جيدا

طب اذا حدث كل ذلك وكانت التكاليف لاتتساوى مع الربح اذا الاسنتاج الواضح ان تلك الفكره وذلك البيزنس خاسر وقد اضعت فيه الكثير .اما لما يكون الناتج الكلى للبيزنس كبير والتكاليف اقل فاننا هنا امام فكره وبيزنس جيدالايحتاج الى تعديل وتعلم جيدا هذه المقوله اللى عايزها تبقى حلقه فى اذنك( اللى بيعرف يجيب الفلوس يعرف ازاى يزيدها ويطورها غير اللى يعرف يطور فيها من غير ما يعرف يجيبها اولا )او بمعنى اصح العقليه اللى تعرف توجد الفوس تعرف تكبرها

البيزنس ياساده ما هو الا:

نوع من الاستثمار ( عايز خبره- صبر - علاقات ) استمراريه علشان تحصل على الهدف وهو الارباح المتغيره بشكل دائم .

وفى نهايه عرضنا اليوم لكم نكون قد فهمنا كثيرا عن مفهوم التسويق وتعلمنا قواعد للتسويق بدايه من تسويق انفسنا او منتجاتنا

وعليه علينا ان نتعلم ازاى نبيع منتجاتنا او خدماتنا بشكل فردى حتى نكتشف قدرتنا على التسويق الصحيح وكمان نعرف عملاؤنا متاحين للمنتج الخاص بنا او لخدماتنا وهل السعر مقبول لهم ام لا ونقدر على المنافسه ام لا..

علينا يا ساده اولا ان ننفذ بانفسنا البيزنس الخاص بنا او او ان نقوم بادخال شخص معروف فى مجال البيزنس الخاص بنا وان يكون لديه علاقات على كافه المستويات لان العلاقات بتساعد فى التنفيذ والانتشار لنا ومش بس كدا كمان لازم يكون عندنا طموح

ومقدره على تسويق فكرتنا خارج نطاق مصر او تكون فكرتنا تدعم جزء من الاستثمار العالمى وهو ما نسعى له فى انتشار الوعى الاسرى والمالى ونخدم بيها استثمارات خاصه.

حتى نصنع علاماتنا التجاريه الناجحه والتى لها القوه فى السوق والتى تقدر على منافسه العلامات الاخرى وكذلك خلق علاقه قويه مع العملاء وكسب ولائهم وذلك كله من خلال وضع خطه قويه تغطى كل عناصر البراند وتحدد مساره فى السوق .

وهنا نكون قد القينا خطوط عريضه التسويق وكيفيه التطوير لانفسنا وندرك بصوره موضوعيه عن اداره التسويق لانفسنا ولمنتجك او خدمتك ومعرفه ايه هو البيزنس او الاستثمار او رجل الاعمال ورائد الاعمال ...

والى لقاء اخر فى مقال اخ

ر يجعلنا متميزين مثلكم ويقودنا الى الوعى...

SOCIAL PLANING

اليوم سنبدا فى الكتابه لمقال للتخطيط الاجتماعى ولكن باللغه الانجليزيه واتمنى ان تسفيدوا منه والان فلنبدا

social planing

is the method of community organizational to health and welfare councilsal though its scope and arena were enlarged in the 1960 to encompass city

planners urban renewal outhorities and the large public

bureaucracies EFFort is focuused primarily on task gools and issues of resource allocotion

what is the IMPORTANCE OF SOCIALWELFA

THE SOCIAL WELFARE IS AN IMPORTTOOL FOR REDISTRIBUTION SOCIALCOHESION

ANDSOLIDARITY WHICH HASTO BE AT THE HEART OF THE CONSTRUCTION OF THE EUROPEAN PROJECT IF SOCAIL AND LABOUR MARKET POLICIES ARE CONCEIVED INAN APPROPRIATE MANNER THEY HELP TO PROMATE BOTH SOCIAL JUSTICE AND ENCONMIC EFFICIENCY AND PRODUCTIVITY

?WHAT IS EXAMPLE OF A SOCIAL WELFARE POLICY

SOCIAL WELFARE INCLUDES HEALTH CAERE EMPOWERMENT HOUSING AND OTHER PROGRMS GEARED TO WARDS ASSISTING THE POOR UNEMLOYED AND MARGINALIZED IN SOCIETY SUCH PROGRAMS IN CLUDE MEDICAID AFDC

(AID FOR FAMILIES WITH DEPENDENT CHILDREN)

WIC(WOMEN IN FANTS AND CHILDREN)

PROGRAMS VETERAN PROGRAMS AND OTHERS

? WHAT IS THE MEANING OF SOCIAL WELFARE PLANIN

SYSTEM PROVIDE ASSISTANCE TO INDIVIDUALS AND FAMILIES THROUGH PROGRAMS SUCH AS HEALTH CARE FOOD STAMPS UNE MPLOYMENT COMPENSATION HOUSING ASSISTANCE AND CHILD CARE ASSISTANCE THE FACTORS INVOLVED CAN IN CLUDE THE SIZE OF THE FAMILY UNIT CURRENT IN COME LEVELS ORANASSESSED DISABILITY

?WHAT ARE THE TYPES OF SOCIAL WELFARE

LISTED BELOW ARE AFEW EXAMPLES OF SOCIAL WELFARE PROGRAMS:-

THEY ARE ONE OF THE MOST CONTENTIOUS AND SOPHISTICATED MEDICAL CARE PROGRAMS

UNEMPLOYMENT BENEFIT PROGRAMS

FAMILY

ALLOWANCE BENE FITS

WORK-INJURY COMPEN SATION

PUBLIC AID

THERE ARE TWO TYPES OF SOCIAL CAPITAL:THE FIRST TYPE OF CAPITAL BASED ON THE LINKS WHICH IS BASED ON THE STRENGTHENING OF THE INTERNAL RELATIONS OF A GROUP GATHERED BY ASINGLE IDENTITY WHILE THE SECOND TYPE IS THE CAPITAL BASED ON THE CROSSINGS WHICH DIFFERENT CLASS BOTH OF WHICH LEAD ACOMPLEMENTARY FUNCTION TO THE OTHER

اليوم سنبدا فى الكتابه لمقال للتخطيط الاجتماعى ولكن باللغه الانجليزيه واتمنى ان تسفيدوا منه والان فلنبدا

مشاركة مميزة